Kōrero atu ki ō tamariki

He wāhi tino pai te ipurangi mō te tūhonohono ki ngā whānau, te ako, te purei kēmu me te mātaki ataata me ngā whakaaturanga pouaka whakaata. Engari kei reira anō ōna kino mō ā tātau tamariki, rangatahi, taiohi hoki. Ka pā pea rātau ki te karihika me ētahi ihirangi pakirara, te whakaweti me te 'poipoitia' e ngā kaitaitōkai me tō rātau kore mōhio.

  • Me whiriwhiri he aha ō rātau mōhio
  • Me kōrero atu kei reira koe ki te tautoko i a rātau ahakoa he aha
  • Me kōrerorero mō te hunga ka taea te āwhina i a rātau
  • Me kōrerorero mō ngā tikanga pūrongo, tango rānei i ngā ihirangi kiko.

He mōhiohio atu anō ā Netsafe me pēhea te kōrero ki ō tamariki:
Rauemi kete āwhina matua a Netsafe(external link)
Me pēhea te waihanga i tētahi mahere haumaru tuihono(external link)

He rauemi ā Te Mana Whakaatu hei āwhina ki te wāhi i ngā kōrerorero:
Ngā mōhiohio mā ngā mātua me ngā whānau(external link)

Te mōhio ki ngā uauatanga tuihono

He wāhi māmā te ipurangi mō ngā tamariki ki te:

  • Tūhura i tō rātau tuakiri
  • Werowero i ngā ritenga me ngā tikanga pakeke
  • Whakamātautau me ngā hononga
  • Whakamātau i ētahi tūmomo whanonga.

Engari he mōrearea kei reira:

  • Te whakaweti tuihono
  • Ngā whakapāpā kāore i te hiahiatia
  • Te tuku me te whiwhi ihirangi kirikau
  • Te kite i ngā ihirangi pakirara (pērā i te karihika).

Ka pai ake tō tautoko i ngā tamariki ina mārama koe ki ngā uauatanga ka pā ki a rātau i runga ipurangi.

He mōhiohio atu anō ā Netsafe:
Te mārama ki ngā uauatanga tuihono ka pā ki ngā taiohi(external link)

Te whakahaere mata wā

Me whakaaroaro mō te pakeke me te wāhanga taipakeke o ō tamariki me te āhua o tā rātau whakamahi i te ipurangi.

Kei te whakamahia e rātau ki:

  • Te ako
  • Te whakawhitiwhiti me whakahoahoa; tērā rānei
  • Te waihanga puoro, ataata rānei?

Ka āwhina tēnei i a koe ki te whiriwhiri e hia te roa o tuku i ō tamariki ki runga ipurangi.

He mōhiohio atu anō ā Netsafe: Ngā tohutohu wā mata mā ngā mātua(external link)

Me mōhio ki te whakatauranga

E whakatauria ana ngā whitiāhua me ngā whakaaturanga pouaka whakaata e Te Mana Whakaatu. Tirohia te whakatauranga hei whakarite he tōtika mō te taipakeke o tō tamaiti.

Kāore e whakatauria ngā pae pērā i Netflix, Disney+ me Amazon Prime. Mēnā kāore koe i te tino mōhio mēnā e tika ana tētahi whakaaturanga, me mātaki e koe.

He nui atu ngā mōhiohio a Te Mana Whakaatu:
Ngā tapanga whakarōpūtanga o Aotearoa(external link)

Te roma me te ataata tononoa (VOD)

Mēnā ka kite koe i tētahi mea i runga ratonga roma, mā te tono, i rō kēmu rānei kāore pea e tika mā ngā tamariki:

  • Tirohia ngā mana mātua e tukuna ana i runga pūhara. Ko te tikanga kei roto i ngā tautuhinga kōtaha. Mō ētahi mōhiohio anō tirohia Te whakahaere: Me pēhea te tino whai hua i ngā mana mātua(external link) – Te aratohu a Te Mana Whakaatu ki ngā mana mātua mō ētahi kaituku matua, hei tauira Netflix, NEON, Lightbox, YouTube, Amazon Prime, me ngā pae kēmu pērā i a Steam, PlayStation me Nintendo.
  • Mēnā kua tautuhia kētia e koe te mana mātua me te tuku i tētahi amuamu me te kaiwhakarato, ā, ka taea māmātia tonu ngā ihirangi e ngā tamariki, īmēra ki info@classificationoffice.govt.nz.

Ngā ISP me te haumaru ipurangi

Ko te ISP (Kaituku Ratonga Ipurangi) he kamupene whakarato Ipurangi. Ka whakamahi noa ngā kiritaki i tā rātau pouwhanga hei tūhono ki te ISP, ā, ka tūhonoa aunoatia rātau ki te Ipurangi.

He maha ngā ISP hei whiriwhiri, ā, ko te tikanga he mōhiohio ā rātau kei ā rātau paetukutuku mō ngā tautuhinga tūmataitinga me ngā mana mātua. He mea nui te tirotiro he aha ake tāu e whiwhi ana i mua i tō kōwhiri i tētahi.

Ina kōwhiri i tētahi kaituku ānei ngā pātai ki a koe:

  • He aha tā rātau Kaupapahere Ipurangi? Ko te tikanga me whai tētahi.
  • He tuku Ratonga Haumaru Ipurangi rātau?
  • He tuku pūmanawa tātaritanga?
  • He urunga paetukutuku "haumaru" tā rātau?

Ka taea e koe te tūhono ki tō ISP mō ētahi atu mōhiohio mō te haumaru ipurangi, ngā mana mātua, ngā pātai rānei mō ngā tautuhinga. Mēnā he iti rawa te tuku kōwhiringa haumarutanga a tō ISP hei whakatutuki i ngā hiahia o tō whānau, me whai whakaaro koe ki te whakawhiti ki tētahi IPS kei a rātau ērā.