On this page

Keep It Real Online - Inappropriate Content

 

Pule a matua

O auala faatekonolosi e fai iai se filifiliga e pei o pule a matua, o ni faiga e fesoasoani ia saogalemu lau tama, peitai e leai se mea e 100% le aogā. E tāua lou talanoa i lau fanau e uiga i faiga saogalemu pe a faaaogā le initaneti, e uunaia ai amio faatuatuaina ma fesoasoani ia latou maua le malosi e teena ai ni mea e lē lelei i luga o le initaneti. Ua faaalia i suesuega o le taulogologo pea i le fanau e fesoasoani lea e faaitiitia lamatiaga pe a tulai mai ni faaletonu i luga o le initaneti.

Ituaiga pule a matua

E tolu ituaiga faiga e pulea ai se mea ma e fesoasoani e te iloa ai faavasega, faatapulaa ma pulea mataupu e mafai ona maua e lau tama:

  • Faatulagana o fesootaiga, ua uma ona faatulaga i le hub poo le uaea mo fesootaiga (modem) mai lau ISP (Internet Service Provider), e faaaogā i masini uma o loo faapipii i le fale.
  • Faatulagana o masini, e mafai ona faatulaga i le masini, e pei o laptop, iPad poo smartphones.
  • Faatulagana o upega tafailagi, e mafai ona faatulaga sa'o lava i le upega tafailagi o loo faaaogā, e pei o le YouTube poo le Google.

Faatulaganaina o le pule a matua

O loo maua taiala i ituaiga faatulagana ma faiga e maua ai le saogalemu faapena foi i le faiga e faatulaga ai i links o loo ta'ua i lalo:

Puna'oa a le Google:

Puna'oa a le Windows:

Puna'oa a le Apple:

O loo maua nisi faamatalaga e uiga i le pule a matua mai le Netsafe:
Faatulagana o le pule a matua i masini o loo faaaogā(external link).

Switch on Safety

E lē o puipuia tamaiti aoga mai le faiga o loo faaaogā e aoga e taofia ai ata ma faamatalaga e lē talafeagai ma tamaiti aoga pe a faatino aoaoga mai le fale, ma e tāua le faia o tulaga uma e mautinoa ai o loo saogalemu tamaiti pe a faaaogā le initaneti. O le Switch on Safety o se faiga e fai fua e mafai ai e matua ona faavasega le faaaogāina o le masini e le tamaitiiti, ma e mafai ona poloka ai upega tafailagi e lē saogalemu e pei o faiga taufaasese, polokalame e lē lelei ma mataupu e lē talafeagai ma fanau laiti.

O le faiga e faavasega ai masini sa saunia e le The Network for Learning(external link) (N4L), ma o le kamupani lea a le Crown o loo faavasegaina mea e mafai ona maua e tamaiti aoga i luga o le initaneti a le aoga.

Faiga e faaola ai le Switch on Safety:

  1. Vaai poo fea tonu e mafai ona sui ai le faatulagana o le DNS
  2. Sui le faatulagana i le Switch on Safety, ma
  3. Faataitai le masini e iloa ai ua ola lelei.

E mafai foi ona e faaaogā le faatulagana ‘Switch on Safety’ i le masini o loo e faaaogāina. E otomeki lava ona aofia ai i le faatulagana lea le Google Safe Search ma le tele o isi faiga.

O loo maua nisi faamatalaga ma faatonuga e patino i nisi o masini i le upega tafailagi Switch on Safety(external link).

Video ma taaloga i luga o le initaneti

E mafai ona e maua faamatalaga i faiga e pulea ai le account a lau tama, fua faatatau i tausaga ma le pule a matua i taaloga o loo ta'ua i lalo:

Faatulagana e puipuia ai le faalauaitele o faamaumauga

E tāua le puipui o faamatalaga o loo e faasoaina ma faasoaina e lau tama i luga o le initaneti. E mafai ona gaoia ma faaaogā sese e tagata, pe afai e te lē o faaeteete i ai.

E mafai e tagata matutua ma tamaiti ona faasoa faamatalaga, ata, videos ma feau e momoli i luga o le social media. E toatele tagata e mafai ona latou maua faamatalaga e uiga i lau tama e aunoa ma lau faatagana.

O le tele o polokalame i le social media e lē o iai ni faatulagana e puipuia ai le faalauaiteleina o ata poo faamatalaga masani.

E tatau ona e:

  • siaki le faatulagana o faamaumauga e lē faalauaiteleina o loo faaaogā e lau tama i le social media
  • fesootai ma tagata ua feiloai tino i ai lau fanau ma aua le faama'imaua fua lou taimi i itulau e lē 'aloaia'
  • tapē le ki e iloa ai le nofoaga o loo faasoa mai ai faamatalaga i polokalame o le social media o loo faaaogā
  • mafaufau i faaupuga o loo faamatala ai lau tama ma le ata o loo ia faaaogāina.

Faatulagana o faamaumauga e lē faalauaiteleina i luga o polokalame i le initaneti

E tofu uma ituaiga polokalame i luga o le initaneti ma faamatalaga e tusa ai ma a latou faiga faavae, metotia ma punao'a i faiga e maua ai le saogalemu:

Mo nisi faamatalaga:
Puipuiga o faamatalaga e patino ia te oe i luga o le initaneti(external link) – CERT NZ
Puipui ia te oe i luga o le initaneti(external link) – Privacy Commissioner