Ata i feusuaiga matagā
Ua faigofie lava i lenei vaitaimi o faiga faatekonolosi ona maua e tamaiti ata i feusuaiga matagā i luga o le initaneti. E mafai ona tupu e aunoa ma le mafaufauina, talu ai o le tele o upega tafailagi e maua fua ma e lē moomia se faamaoniga o tausaga, pe mafua ona tupu ona o le fia iloa. E ono vaaia e tamaiti ata i feusuaiga matagā e lē i mafaufauina, peitai e ono fia iloa e tupulaga mea nei ma taumafai e saili.
O tulaga masani le fia iloa e tupulaga talavou o mataupu tau feusuaiga. O le auala pito sili ona lelei e fesoasoani ai i le fanau, o le talanoa sa'o e uiga i mea o loo latou vaaia ma le eseesega mai feusuaiga ma mafutaga moni.
Auala e te talanoa ai i lau tama
E lē faigofie ia te oe lou talanoa i lau tama e uiga i ata i feusuaiga matagā. O talanoaga e uiga i feusuaiga ma ata i feusuaiga matagā e tupu ai le matamuli, ma faafaigata ai ona talanoa.
- Mafaufau i se taimi lelei e te lua talanoa ai
- Faalogo i o latou manatu
- Ia iloa e tamaiti e lē o foliga o mea moni ata i feusuaiga matagā
- Faatalanoa le va tapuia i feusuaiga
- Ia onosai
O loo maua faamatalaga ma fautuaga i auala e mafai ai ona e talanoa i lau tama e uiga i ata i feusuaiga matagā mai le Classification Office:
- Fautuaga i auala e mafai ona e talanoa ai i lau tama e uiga i ata i feusuaiga matagā(external link)
- Growing up with Porn(external link) – Malamalama o tupulaga Niu Sila mai le 14 i le 17 tausaga le matua
- Faatalanoaga ma tupulaga talavou e uiga i ata i feusuaiga matagā(external link)
Afai o e popole i lau tama, o loo maua le fesoasoani mai faalapotopotoga nei:
- Safe Network(external link)
- Need to Talk(external link), poo le telefoni vili fua poo le text 1737
- Youthline(external link)
- Lifeline(external link)
Mo nisi faamatalaga
O loo maua nisi faamatalaga mo matua ma aiga e uiga i ata i feusuaiga matagā i le
upega tafailagi The Light Project(external link) ma le Netsafe – Auala e mafai ona e talanoa ai i tupulaga talavou e uiga i ata i feusuaiga matagā(external link).